Ҳабибуллоҳ Абдураззоқов дар дилу дидаи мардуми Эрон ҷой гирифта буд

Имрӯз хабари даргузашти Ҳабибулло Абдураззоқовро шунидам.Ӯ барои мо, эрониҳо, низ ошнову азиз буду бисёре аз мардуми Эрон бозии ин ҳунарманди номварро  дӯст медоштанд . Ёздаҳ соли пеш сирейоле аз телевизиюни Эрон пахш мешуд ба номи “Дар чашми бод ", ки дар он  ба рӯйдодҳои  сиёсии Эрон байни солҳои 1914 то 1981 ишора мешуд . Аъзои як хонаводаи эронӣ дар маркази достон қарор доштанд ва  наздиктарин дӯсту ошнои ин хонавода ҳам як хонаводаи тоҷик   буд, ки оқои Ҳабибуллоҳ Абдураззоқов нақши Ҳисом –падари ин  хонаводаро дар филм    мебозиданд. Оқои Ҳисом духтаре бо номи Лайлӣ(бо бозии Ситора Сафарово) дошт ва хонаводаи эронӣ низ фарзанде дошт бо номи Бежан ва ин духтару писар ошиқу дилбохтаи ҳам буданд.

.  Иттифоқоти торихӣ рух медоду ишқ ҳам кори худро мекард... Ин филм, ки ҳудуди 50 қисмат дошт, бенандагони бисёр зиёд пайдо кард ва  бисёре аз мардуми Эрон дӯстдору мухлиси бозигарони тоҷик шуда буданд . Мефаҳмиданд, ки забони Тоҷикистон чи қадр шабеҳи забони худамон асту гӯиши тоҷикона чӣ ҳаловатбахшу ширин ба мо мерасад. Ин ки  мардуми Эрону Тоҷикистон дар тӯли ҳаводиси торихӣ аз ҳам ҷудо набудаанду ишқу дилдодагӣ байни онҳо устувор буда аст, бори дигар дар ин филм ба гунаи зебову табиӣ  ифода гардидааст.  

Барои чунин писанди ҳамагон гардидани филм мадюни коргардони ин асар оқои  Масъуди Ҷаъфарии Ҷузонӣ  ва бозигароне ҳамчун Ҳабибуллоҳ  Абдураззоқов ҳастем, ки акнун дар зеҳну ҷони мо ҷовидон шудаанд

     Эй кош, боз  филмҳои муштараки бештаре байни Эрону Тоҷикистон сохта мешуд, то наздикиву шинохт ва меҳру муҳаббати мардуми ду кишвар низ боз ҳам афзун мегардид. Умедворам, коргардонҳову ҳунармандони ду кишвар назири ин корҳо  ва ҳам корномаи Ҳабибуллоҳ Абдураззоқовро  идома медиҳанд.

 .                                                                                                                     Мо аз он ифтихор дорем, ки ном ва нақши носутурдании ҳунарманди машҳур Ҳабибуллоҳ Абдураззоқов бо филми “Дар чашми бод” дар таърихи ҳунар ва синамои Эрон ҷовидон сабт гардидааст ва даргузашти ин ҳунарманди мумтоз талафоти сангине на танҳо барои Тоҷикистон, балки барои аҳли ҳунари Эрон  ва ҳама форсизабонон ҳам ҳаст.   

  Дар ин рӯз аз  тарафи тамоми мардуми Эрон ба мардуми Тоҷикистону хонаводаи он азиз таслият мегӯем ва  умедворем дар паноҳи раҳмати худованд бошанд.                                                                                       

  Пояндаву гиромӣ бод ному ёди  ҳунарманди дӯстдоштаи мову Шумо Ҳабибулло Абдураззоқов!

                                                    Ҷалоли Ҳуҷҷатифаҳим, шаҳри Ҳамадон

 #Эрон #Тоҷикистон #Ҳабибуллоҳ_Абдураззоқов